सल्यानमा ट्याक्टर दुर्घटना: शारदा नगरपालिकाका वसन्त बुढाथोकीको मृत्यु

बकपत्र संवाददाता       ३ हप्ता अगाडी प्रकाशित     42 No Comments

तुलसीपुर, २६ वैशाख ।

​सल्यानमा निर्माण सामग्री बोकेको ट्याक्टर दुर्घटना हुँदा चालकको ज्यान गएको छ। सल्यानको श्रीनगरबाट छत्रेश्वरी गाउँपालिका–१, दमाचौरतर्फ जाँदै गरेको ट्याक्टर बागचौर नगरपालिका–१०, मोख्लास्थित मेला लाग्ने ठाउँभन्दा केही माथि दुर्घटनामा परेको हो।

​मृतकको पहिचान

दुर्घटनामा परी मृत्यु हुनेमा शारदा नगरपालिका–१३ निवासी चालक वसन्त बुढाथोकी रहेका छन्। उनको मृत्यु भएको जानकारी छत्रेश्वरी गाउँपालिका–१ का वडा अध्यक्ष प्रकाश हमालले दिनुभएको छ।

​विद्यालयको निर्माण सामग्री ढुवानी गर्दै थियो ट्याक्टर

दुर्घटनामा परेको उक्त ट्याक्टरले भानुभक्त माध्यमिक विद्यालय दमाचौरको भवन निर्माणका लागि आवश्यक सामग्रीहरू लिएर जाँदै थियो। उकालो र अप्ठ्यारो सडक खण्डमा ट्याक्टर अनियन्त्रित भई सडकबाट तल खसेको देखिएको छ।

​घटनास्थलमा स्थानीय र प्रहरीले आवश्यक प्रक्रिया पुरा गरिरहेका छन्।

बकपत्र संवाददाता

बकपत्र डटकम-नेपालकाे सुशासन, सामाजिक न्याय र समृद्धिकाे क्षैत्रमा काम गर्ने डिजिटल पत्रिका हाे।