मालपोत कार्यालय तुलसीपुरबाट बिचौलिया र लेखापढी व्यवसायी पक्राउ

हिमाल वि.क.       १ दिन अगाडी प्रकाशित     5 No Comments

तुलसीपुर । मालपोत कार्यालय तुलसीपुरमा सेवाग्राहीलाई अनावश्यक दुःख दिएको र प्रक्रियामा अवरोध पुर्‍याएको आरोपमा प्रहरीले केही बिचौलिया र लेखापढी व्यवसायीहरूलाई पक्राउ गरेको छ । प्रहरीले कार्यालय हाताभित्रैबाट उनीहरूलाई नियन्त्रणमा लिएको हो ।

सेवाग्राहीहरूले काम गराउँदा अनावश्यक झन्झट खेप्नुपरेको र बिचौलियाहरूको चलखेल बढेको र लेखापढी व्यवसायीले बढी रकम लिने गरेको जनगुनासो आएपछि प्रहरीले नियन्त्रणमा लिएको जिल्ला प्रहरी कार्यालय दाङका प्रहरी निरीक्षक बाबुराम बस्नेतले जानकारी दिनुभयो ।

प्रहरीले पक्राउ परेका व्यक्तिहरूको नाम खुलाएको छैन् । उनीहरुलाई अहिले इलाका प्रहरी कार्यालय तुलसीपुरमा सोधपुछ र अनुसन्धान प्रक्रिया अघि बढेको प्रहरीले जनाएको छ ।
पछिल्लो समय सरकारी कार्यालयहरूमा बिचौलियामुक्त वातावरण बनाउने उद्देश्यले सुरक्षा निकायले सादा पोसाकमा समेत प्रहरी परिचालन गर्दै आएको छ ।

हिमाल वि.क.

हिमाल वि.क. बकपत्रका प्रवन्ध-सम्पादक हुन ।