नेकपाद्वारा जिम्मेवारी बाँडफाँट: सुदूरपश्चिममा भानुभक्त जोशी इन्चार्ज, जनवर्गीय संगठनमा पनि नयाँ नेतृत्व

बकपत्र संवाददाता ३ हप्ता अगाडी प्रकाशित 32 No Comments

📋 सारांश

✓नेपाली कम्युनिष्ट पार्टी (नेकपा) ले पार्टीका विभागहरू, प्रदेश कमान्ड र जनवर्गीय संगठनहरूको जिम्मेवारीमा व्यापक हेरफेर तथा कार्यविभाजन गरेको छ।
✓पार्टी संयोजक पुष्पकमल दाहाल ‘प्रचण्ड’ र सह-संयोजक माधवकुमार नेपालले हस्ताक्षर गरी जारी गरेको पछिल्लो अन्तरपार्टी निर्देशन (अपानी–३) अनुसार नेताहरूको कार्यविभाजन टुंगो लगाइएको हो।
✓सुदूरपश्चिम प्रदेशमा नेतृत्व परिवर्तन।

काठमाडौँ ।

नेपाली कम्युनिष्ट पार्टी (नेकपा) ले पार्टीका विभागहरू, प्रदेश कमान्ड र जनवर्गीय संगठनहरूको जिम्मेवारीमा व्यापक हेरफेर तथा कार्यविभाजन गरेको छ । पार्टी संयोजक पुष्पकमल दाहाल ‘प्रचण्ड’ र सह-संयोजक माधवकुमार नेपालले हस्ताक्षर गरी जारी गरेको पछिल्लो अन्तरपार्टी निर्देशन (अपानी–३) अनुसार नेताहरूको कार्यविभाजन टुंगो लगाइएको हो ।

सुदूरपश्चिम प्रदेशमा नेतृत्व परिवर्तन

सुदूरपश्चिम प्रदेशको नेतृत्वमा महत्त्वपूर्ण हेरफेर गरिएको छ । यसअघि इन्चार्जको जिम्मेवारी तोकिएका नेता भीम रावलले उक्त पद स्वीकार नगरेपछि रिक्त स्थानमा भानुभक्त जोशीलाई इन्चार्जको जिम्मेवारी दिइएको छ । जोशी यसअघि सोही प्रदेशको सह-इन्चार्ज तोकिएका थिए । उनलाई नेता माधवकुमार नेपाल निकट मानिन्छ । सुदूरपश्चिमको सह-इन्चार्जको जिम्मेवारी भने खगराज भट्टले पाएका छन् ।

विभागहरूको नेतृत्व कसलाई ?

पार्टीले विभिन्न महत्वपूर्ण विभागहरूको नेतृत्व पनि बाँडफाँट गरेको छ । जसअनुसार:

अनुगमन तथा मूल्याङ्कन विभाग: नारायणकाजी श्रेष्ठ
अन्तर्राष्ट्रिय सम्बन्ध विभाग: प्रमेश कुमार हमाल
उद्यमशीलता तथा उत्पादन विभाग: वामदेव गौतम
प्रचार विभाग: रेखा शर्मा
संगठन विभाग: वर्षमान पुन
राष्ट्रिय हित सुरक्षा विभाग: कृष्णबहादुर महरा
नीति अध्ययन अनुसन्धान प्रतिष्ठान: राजेन्द्र श्रेष्ठ
पार्टी स्कुल विभाग: डा. बेदुराम भुसाल
स्थानीय तह विभाग: अग्नि सापकोटा
श्रम तथा रोजगार विभाग: गरिमा शाह
शिक्षा विभाग: गिरीराजमणि पोखरेल
कृषि तथा भूमि व्यवस्थापन विभाग: रञ्जिता श्रेष्ठ
खानेपानी तथा सरसफाइ विभाग: विना मगर
प्रवास प्रदेश समन्वय समिति: पम्फा भुसाल

३२ जनवर्गीय संगठनमा इन्चार्ज र सह-इन्चार्ज तोकिए

नेकपाको केन्द्रीय संयोजन समितिको बैठकले पार्टी मातहतका ३२ वटा जनवर्गीय संगठन (जवस) हरूमा पनि इन्चार्ज र सह-इन्चार्जहरूको मनोनयन गरेको छ ।

प्रमुख संगठन र तिनका नेतृत्व:

संगठन	इन्चार्ज	सह-इन्चार्ज
अखिल नेपाल किसान महासंघ	बलदेव चौधरी	कुमार पौडेल
अखिल नेपाल महिला संगठन	जयन्ती राई	कमला रोका
युवा संगठन	लक्ष्मण केसी	सुमन देवकोटा र ज्ञानबहादुर गुरुङ
विद्यार्थी संगठन	रत्न ढकाल	सुदेश पराजुली
प्रेस संगठन	प्रकाश ज्वाला	विष्णु सापकोटा र शम्भु श्रेष्ठ
मजदुर (ट्रेड युनियन)	रामदीप आचार्य	विष्णु लम्साल
दलित संगठन	गणेश विक	दलजित श्रीपाली
आदिवासी जनजाति महासंघ	सुरेश आले मगरअन्य विशिष्ट क्षेत्रको जिम्मेवारी: कानुन व्यवसायी संगठनको नेतृत्व पूर्णबहादुर घर्ती र खेलकुद महासंघको नेतृत्व केशव विष्टले सम्हाल्ने भएका छन् । जनसाँस्कृतिक महासंघको इन्चार्जमा चेतबहादुर पुन चयन भएका छन् । त्यसैगरी, इन्जिनियरर्स एसोसिएसनमा लेखनाथ न्यौपाने, उद्योग तथा व्यवसायी महासंघमा विरोध खतिवडा, र पेशागत महासंघमा कृष्णध्वज खड्कालाई इन्चार्जको जिम्मेवारी दिइएको छ । मधेसी संगठनको नेतृत्व जोगकुमार बरबरिया र मुस्लिम संगठनको नेतृत्व महेश्वर गहतराजले गर्नेछन् । स्वास्थ्यकर्मी संगठनको इन्चार्जमा अन्जना विशंखे र शिक्षक संगठनमा माधव सापकोटालाई तोकिएको छ । पार्टीले सामाजिक र प्राविधिक क्षेत्रलाई पनि प्राथमिकतामा राख्दै आईटी फोरमको जिम्मेवारी केशव नेपाल, विपद् व्यवस्थापनमा डा. लक्ष्मी ओली र मानव अधिकार फाँटमा लेखनाथ दाहाललाई अघि सारेको छ । शहीद, बेपत्ता तथा घाइते योद्धा संगठनको इन्चार्जमा भने हितराज पाण्डेलाई नियुक्त गरिएको छ । यो कार्यविभाजनसँगै नेकपाले सांगठनिक सुदृढीकरण र आगामी राजनीतिक कार्यदिशालाई तल्लो तहसम्म लैजाने लक्ष्य राखेको छ । लामो समयदेखि प्रतिक्षा गरिएको यो जिम्मेवारी बाँडफाँटले पार्टीभित्रको शक्ति सन्तुलन र कार्यसम्पादनमा नयाँ उर्जा थप्ने विश्वास नेताहरूले गरेका छन् ।